閒話休題

趁早

有時候﹐女人真是一種好很煩的動物

真正認識我的人都知道﹐我甚少對女人發老脾﹐又從來唔會對住女人嫌三嫌四

就算要趕女人走﹐我都會好聲好氣。

之但係﹐女人就多多事實…成日都話要分手﹐又成日發爛渣﹐轉頭又當無件事!

琴日返到屋企﹐條女又無啦啦話我對佢唔夠好﹐話要分手

好啊﹐我咪叫你走囉﹖

聽到我叫你走﹐又失驚無神發爛渣﹐學人玩掟嘢﹐你以為我怕你啊﹖

掟完嘢又學人喊﹐細路仔呀﹖即係點啊﹖駁我氹返你啊﹖

見我唔氹返你﹐轉頭又癲過﹐又玩掟嘢﹐有種就掟部雪櫃落街la﹖

掟完又喊過﹐叫我對你好些少…

姐姐﹐你連工都唔洗返﹐一日比你hea到黑﹐你仲想點呀﹖

仲叫我多D時間陪你﹐你無病呀嘛﹖返到屋企就對住你囉﹖

日對夜對﹐你仲想點呀﹖洗唔洗打開門對住你疴屎呀﹖

唔答你又喊過﹐你淚線係咪真係咁發達呀﹖

喊完一大輪﹐轉頭又鼠返入房訓﹐初頭又話分手﹖

即係點呀﹖又當無件事呀﹖

真係諗起都火滾﹐食我嘅住我嘅﹐仲對住我發老脾…你老幾呀﹖

講真﹐我唔係真係咁鍾意你㗎

我只係唔想好似以前咁成日換畫﹐所以先侷住繼續同你係埋一齊㗎咋!

你真係唔like我的話﹐麻煩你快快趣趣過主啦~~

咪咁嘮嘈﹐走就趁早!

 

Advertisements

3 thoughts on “趁早”

  1. 點解睇落你同你女友關係好似主人同寵物咁既?你講果番話,用來對一隻俾你養既貓或狗講,都可以。當然就咁將隻寵物丟出街是不負責任的行為,但係你女友係人來架嘛,佢都有自由意志。你一開聲就叫佢走,即係根本唔想同佢溝通啦,係咁,即係你對佢都無晒愛意啦,係咁,就不如好好講清楚,心平氣和地分手,即係好心分手:

    1. 之前無寫清楚
      問題係…哎分手係佢講先的
      而且唔止講一次
      我又無話要挽留佢﹐次次佢哎親分手﹐我都叫佢走gala﹖
      家陣係佢成日叫極都唔走咋嘛﹖唔通要我踢佢出街咩﹖

      同埋呢﹐佢同我係埋一齊﹐係因為佢愛我咋嘛﹖我只不過係比佢愛我咋嘛﹖
      在我的精神世界中﹐自從同第一個分手之後﹐從沒再愛過另一個人﹐呢個係事實﹐我從無話我愛過佢啊!﹖
      你或者覺得我對條女好衰好賤﹐但我容許一個單戀我的人同我係埋一齊﹐又比埋錢佢花﹐我唔覺得我有咩錯wor﹖

      1. 哦,咁又明白多D過程係點。如果係咁,的確唔可以話你錯,本來我都無覺得邊個錯,感情呢樣野,好難講錯對。

        你可以同一個佢愛你但你唔愛的人一齊生活,我就唔得了,因為愛果個對唔愛果個會有期望,唔愛果個又會令愛果個失望,對雙方都係痛苦的折磨。

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s